МАЙДОНИ ПАРВАРИШИ КАМОЛ ВУСЪАТ МЕЁБАД

                Душанбе, 28 январ. (АМИТ «Ховар», Бекназари Абӯбакр). — Растании камол дар феҳрасти растаниҳои нодир дар Китоби сурхи Тоҷикистон сабт шудааст.                Соли ҷорӣ бо супориши Ҳукумати мамлакат Кумитаи ҳифзи муҳити зисти назди Ҳукумати Ҷумҳурии Тоҷикистон дар минтақаи Кӯлоби вилояти Хатлон ба парвариши растании шифобахши камол дар ҳудуди 800 гектар оғоз кард.                Бино ба маълумоти Кумитаи ҳифзи муҳити зист имрӯз бо ин мақсад қариб 1,5 ҳазор гектар замин ҷудо шуда, интизор меравад, ки майдони парвариши он дар оянда васеъ гардад.                Мавриди ёдоварист, ки моҳи сентябри соли 2008 бо Фармони Президенти кишвар ҷамъоварӣ ва содироти шираи камол ба кишварҳои хориҷ манъ карда шуд.                 Бояд гуфт, ки камол яке аз растаниҳои шифобахш буда, дар ҷаҳон 190 навъи он сабт шудааст ва дар манотиқи кӯҳистонии Тоҷикистон 37 навъи он мерӯяд.