МУҲОКИМАИ ТАДБИРҲОИ МУБОРИЗА БА МУҚОБИЛИ МУҲОҶИРАТИ ҒАЙРИ&#

                  Маскав, 30 январ. (АМИТ «Ховар», Ҳалима Хушқадамова). — Имрӯз дар бинои Ситоди муттаҳидаи Созмони аҳдномаи амнияти дастаҷамъӣ дар Маскав машварати роҳбарони мақомоти давлатҳои аъзои СААД ва Ҷомеаи иқтисодии Евразия, намояндагони Шӯроҳои амният ва кумитаҳои соҳавии парлумонҳои миллӣ баргузор мегардад. Дар он вазифаҳои мақомоти салоҳиятдори давлатҳои аъзои созмонҳои мазкур дар мубориза ба муқобили муҳоҷирати ғайриқонунӣ дар шароити бӯҳрони ҷаҳонии иқтисодӣ ва таъмини ҳуқуқҳои меҳнатию иҷтимоии коргарони муҳоҷир муҳокима карда мешавад.                  Муншии умумии СААД Николай Бордюжа қабл аз оғози машварат зимни сӯҳбат бо хабарнигорон зикр кард, ки муҳоҷирати ғайриқонунӣ дар шароити тақвият ёфтани бӯҳрони ҷаҳонии молиявӣ яке аз проблемаҳои асосии замони ҳозира ба шумор меравад. Вай изҳор намуд, ки муҳокимаи ин проблема дар созмонҳои мӯътабари байналхалқию минтақавӣ аҳамияти калон дорад.                 Ба ақидаи коршиносон, қисми зиёди коргарони муҳоҷир вобаста ба коҳиши истеҳсоли маҳсулот ва аз кор озод гардидани коргарон ба мамлакаташон барнагашта, сафи коргарони муҳоҷири ғайриқонуниро бештар мегардонанд. Ин дар натиҷа ба вазъияти ҷомеа таъсири манфӣ расонда, сабаби содир гардидани ҷиноятҳои гуногун шуда метавонад, гуфт Н.Бордюжа. — Бинобар ин мо бояд илоҷи воқеаро пеш аз вуқӯи он ёфта, барои пешгирии омилҳои манфии масъала тадбирҳои зарурӣ андешем.                                                                                                                                                     Тарҷумон — Қудратов А.