МУКОФОТҲО БА ДОНИШҶӮЁНИ БЕҲТАРИН

          Хуҷанд, 10 январ. (АМИТ «Ховар», Санавбар Мақсудова).- Дар Хуҷанд ба шарафи донишҷӯёни мактабҳои олии  вилояти Суғд, ки дар маъракаи ҷамъоварии пахта фаъолона ширкат варзида, аз ҳама бештар пахта чидаанд, ҷамъомади ботантана баргузор гардид. Раиси вилоят Қоҳир Расулзода ба 34 нафар донишҷӯи фаъолу пешқадам ифтихорномаҳо ва мукофотҳои пулӣ супорид. Яке аз онҳо донишҷӯи Донишгоҳи давлатии Хуҷанд ба номи Б.Ғафуров Моҳира Эркабоева аст, ки зиёда аз 7 ҳазор килограм пахта чидааст. Мудири шӯъбаи мактабҳои олӣ ва миёнаи махсуси мақомоти иҷроияи ҳокимияти давлатии вилоят Рустам Усмонов ба АМИТ «Хвар» хабар дод, ки мавсими гузашта дар маъракаи ҷамъоварии пахта бештар аз 7 ҳазор донишҷӯ ширкат варзид. Онҳо ихтиёран ба деҳқонон кӯмак расонданд, гуфт Р. Усмонов.