МУШКИЛОТИ ОБЁРИИ ЗАМИНҲО ҲАЛШАВАНДААСТ

           Душанбе, 14 январ. (АМИТ «Ховар», Лаззат Диловарзод).-Бино ба иттилои сармутахассиси Бозрасии ҳифзи муҳити зисти минтақаи Кӯлоб Шариф Тиллоев, дар давоми солҳои 2005- 2008 тавассути маблағгузории Вазорати мелиоратсия ва захираҳои оби ҷумҳурӣ обёрии заминҳои корам дар минтақаи Кӯлоби вилояти Хатлон роҳи ҳалли мушкилоти мавҷударо  пайдо кард. Аз 147828 гектар масоҳати умумии заминҳои корами ин минтақа, ки 68 ҳазору 382 гектарашро заминҳои обӣ ташкил медиҳанд, қисми зиёди он бо об таъмин карда шудааст.         Соли 2008 дар ноҳияи  Восеъ  дар масофаи 17 км соҳилҳои Ёхсу, Сурхоб, Кӯлобдарё бо иштироки 1250 нафар сокинони ин минтақа тоза карда шуд. Дар ин давра корҳои таъмиру тоза намудани заҳкашу заҳбурҳо, иншоотҳои обтақсимкунӣ, обченкунӣ, соҳилмустаҳкамкунӣ пурзӯр ва новаҳои бетонии харобгардида аз нав барқарор карда шуданд.