НАҚЛИЁТИ ТАКСОМОТОРӢ РАҚОБАТ КАРДА НАТАВОНИСТ

                  Душанбе, 29 январ. (АМИТ «Ховар», Лаззат Диловарзод).-Бино ба маълумоти Кумитаи давлатии омор, дар давоми соли 2008 ҳаҷми мусофиркашонии нақлиёти таксомотории сабукрав хеле камшуд ва он дар амал ба нақлиёти шахсӣ рақобат карда натавонист. Ҳангоми тадқиқоти журналистӣ, роҳбарону мутахассисони муассиса аз шарҳи он худдорӣ карданд.                 Ҳаҷми мусофиркашонӣ дар моҳҳои январ-декабри соли 2008 253,4 ҳазор нафар мусофирро ташкил дод.Бо нақлиёти таксомотории истифодаи умуми шаҳри Душанбе 92,9 ҳазор нафар мусофир кашонида шудааст, ки нисбат ба ҳамин давраи соли 2007 ҳамагӣ 8, 5 фоизро ташкил дод. Аз моҳи феврали соли 2008 нақлиёти таксомотории истифодаи умум дар шаҳри Душанбе фаъолият надорад.                Бо нақлиёти таксомотории шаҳри Хуҷанди вилояти Суғд 160,5 ҳазор нафар мусофир кашонида шудааст.