НАМОИШИ АСАРҲОИ СУРАТГИРОНИ ТОҶИК ДАР ЕКАТЕРИНБУРГ
Душанбе, 10 январ. ( АМИТ «Ховар», Таҳмина Ғоибназарова).- 15 январ дар шаҳри Екатеринбурги Федератсияи Русия намоишгоҳи асарҳои суратгирони тоҷик кушода мешавад. Бояд гуфт, ки моҳи май дар ҳамин ҷо мулоқоти сарони давлатҳои аъзои Созмони ҳамкории Шанхай баргузор мегардад. Аз рӯи анъана дар ҷараёни тайёрӣ ба ин мулоқот силсилаи тадбирҳои фарҳангӣ андешида мешаванд. Соли гузашта дар Екатеринбург ду ҷашнвораи байналхалқии филмҳои бадеӣ ва мустанад баргузор гардида буд. Охири соли гузашта аккосони Ӯзбекистон ва Қирғизистон дар ин ҷо маҳсули ҳунари худро намоиш доданд. Дар намоишгоҳи асарҳои суратгирони тоҷик бештар аз сад акси ба мавзӯъҳои гуногун бахшидашуда намоиш дода мешавад. Яке аз иштирокчиёни намоишгоҳи мазкур суратгири маъруфи тоҷик Геннадий Ратушенко мебошад. Дар бештар аз 30 акси пешниҳоднамудаи ӯ лаҳзаҳои гуногуни ҳаёти мардуми тоҷик дар солҳои ҳокимияти шӯравӣ, давраи бозсозӣ ва Тоҷикистони имрӯза тасвир ёфтаанд.
Имрӯз дар водиҳои Тоҷикистон чангу ғубор ба амал меояд
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
