НИШАСТИ МАҶМААИ УМУМИИ МУБОРИЗА БО МАВОДИ МУХАДДИР ДАР КОБУЛ

Афғонистон, 13 январ. (АМИТ «Ховар», Илҳом Нарзиев).- Маҷмааи умумии мубориза бо маводи мухаддир имрўз ҳини нишасти хеш дар Кобул роҳҳои ҷилавгирӣ аз кишт, тавлид, қочоқ ва истифода аз маводи мухаддиро баррасӣ намуд. Шуморе аз аъзои Шўрои миллӣ, ки дидгоҳи олимони дин ва бузургони қавмро дар коҳиши маводи мухаддир дар Афғонистон асаргузор медонанд, мегўянд, ки чунин нишастҳо дар бештари дигар вилоятҳо низ баргузор хоҳад шуд.Ин нишаст бо ҳузури шуморе, ки аз олимони динӣ ва бузургони қавм аз сўи Маҷмааи ғайрирасмии порлумони мубориза бо маводи мухаддир баргузор шуд. Дар ҳудуди ду моҳ пеш аз даҳ узви Шўрои Миллӣ ин маҷмааро эҷод намуданд. Намояндаи Шўрои Миллӣ бо хабарнигорон гуфт: «Мехоҳем, ки дар оянда Шўрои Миллӣ аз назариёти уламо, сарони қавм, соҳибназарони худ истифода кунад. Ба вуҷуди талошҳои Афғонистон ва ҷомеаи ҷаҳонӣ дар ҳафт соли гузашта ҳанўз ҳам маводи мухаддир аз ҷолишгҳои бузург дар баробари давлати Афғонистон ба шумор меравад. Ин Маҷмаа ба дастҳои хориҷӣ ва густардагии шабакаҳои қочоқӣ ишора мекунад. Аммо, мегўяд ки фаъолиятҳои Маҷмаа  метавонад дар ҷилавгирӣ аз ҷалби ҷавонон ба ин гирдоби хатарнок асаргузор бошад. Дар байни ҷавонон як назария, як эҳсоси динӣ пайдо мешавад, ки воқеан ин казия дар ватанамон мавҷуд аст, ки як чизи нораво ва ҳаром аст».           Афғонистон дар се соли охир ҳамчун яке аз бузургтарин тавлидкунандагон маводи мухаддир дар ҷаҳон шинохта шудааст ва ҳар сол беш аз 90 % маводи мухаддири ҷаҳон дар Афғонистон тавлид мешавад. Аз сўи дигар афзоиши муртадон аз Афғонистон низ ба гунаи бесобиқа афзоиш ёфтааст. Бар бунёди оморҳои расмӣ Афғонистон наздик ба яку ним миллион муртади маводи мухаддир дорад, ки бист фоизи онҳо занон ҳастанд.