НОБОЛИҒ ДАСТ БА ГОВ ДУЗДӢ ЗАД

Душанбе, 7 январ. (АМИТ «Ховар», Мавҷуда Давлатзода).- Кормандони Шӯъбаи корҳои дохилии ноҳияи Ёвони вилояти Хатлон ноболиғ Ғарибшои Ғазалшо хонандаи синфи 9-уми мактаби миёнаи № 21-и деҳаи Уртақайнари ҷамоати Норинро барои дуздӣ дастгир намуданд.             Аз маркази матбуоти Вазорати корҳои дохилии Ҷумҳурии Тоҷикистон ба мухбири АМИТ «Ховар» хабар доданд, ки Ғарибшои Ғазалшо аз назди замини деҳа чорвои шохдори калон (гов)-ро, ки арзишаш 1100 сомонӣ буда, ба шаҳрванди ҳамин деҳа Қундузой Қувандиқова тааллуқ дорад, дуздидааст. Нисбати ҳодисаи мазкур парвандаи ҷиноӣ боз гардида, тафтиш идома дорад.