ОЛИМОН БО ЧОРВОДОРОН ШАРТНОМА БАСТАНД

        Душанбе, 5 январ. (АМИТ «Ховар», Лаззат Диловарзод).- Аз тарафи олимони Пажӯҳишгоҳи ветеринарӣ барои амалӣ намудани натиҷаи корҳои илмӣ-тадқиқотӣ дар истеҳсолот бо хоҷагиҳои чорводории ҷумҳурӣ оид ба ташхиси саривақтӣ, ташхиси тафриқавӣ, табобат ва пешгирии касалиҳои сироятӣ, шартномаҳои тарафайн баста шуд. Бо мақсади амалӣ намудани натиҷаи корҳои илмӣ-тадқиқотӣ дар истеҳсолот, ходимони илмӣ ба сафарҳои хизматӣ баромада, ба мутахассисон ва фермерон маслиҳатҳои илмӣ доданд.         Дастовардҳои илмии Пажӯҳишгоҳ дар 37 хоҷагиҳои чорводори  минтақаҳои гуногуни ҷумҳурӣ бо саршумори 6100 чорво амалӣ шуда истодааст.