ОЛИМПИАДАИ ТАЛАБАГОНИ МАКТАБҲОИ ПОЙТАХТ ОҒОЗ ЁФТ

             Душанбе,  6  январ. (АМИТ «Ховар»,  Людмила  Дубинина). – Имрӯз дар  мактаби  миёнаи  рақами 1 – уми  шаҳри  Душанбе  олимпиадаи  талабагони  мактабҳои  пойтахт  оғоз меёбад. Олимпиада аз рӯи  фанҳои  математика,  физика,  химия,  биология,  ҷуғрофия,  забонҳои   тоҷикию  хориҷӣ,  асосҳои   давлату  ҳуқуқ  ва  информатика  гузаронида  мешавад. Дар  олимпиада  ғолибони  олимпиадаҳои  ноҳиявӣ  ширкат  меварзанд.         Мудири  қисми  таълимии  мактаби  миёнаи  рақами  78 – уми  ноҳияи  Фирдавсӣ  Лариса  Хайруллоева   ба  мухбири  АМИТ  «Ховар» гуфт, ки  талабагони  мактаби  мазкур   дар  олимпиадаи  ноҳиявӣ  ғолиб  омада,  ҷои  аввалро  ишғол  намуданд. Талабагони  мактаб  Наргис  Соҳибова,  Алишер Мелибоев,  Светлана  Канбина,  Андрей  Жолобов, Бобо Нурӣ, Таҳмина  Аҳмадова,  Имомалӣ  Комрон ва  дигарон дар   олимпиадаи  шаҳрӣ  иштирок  менамоянд. Онҳо бо  ифтихорномаҳои  шӯъбаи  маорифи ноҳия  мукофотонида шуданд. Омӯзгороне, ки  шогирдонашонро  ба  олимпиада  тайёр  кардаанд,  соҳиби  мукофотҳои  пулӣ  гардиданд.           Натиҷаҳои  олимпиадаҳои  шаҳрӣ  баъди  ду  рӯз  ҷамъбаст  карда  мешаванд.