ОЗМУНИ ДОНИШҶӮДУХТАРИ БЕҲТАРИНИ ДОНИШГОҲ

         Душанбе, 13 январ. (АМИТ «Ховар», Жасмин Назарова).- Дар Донишгоҳи давлатии омӯзгории ба номи Садриддин айнӣ таҳти унвони «Донишҷӯдухтари беҳтарини сол» озмун баргузор гардид. Корманди донишгоҳ, мутасаддии  масъули озмун Марҳабо Олимова ба мухбири АМИТ «Ховар» хабар дод, ки ҳадафи озмун баланд бардоштани мақоми зан дар ҷомеа мебошад. Тавре ки маълум аст, дар ин масъала қарори Ҳукумати ҷумҳурӣ қабул шуда буд. Дар заминаи қарори мазкур барномаи давлатии беҳтар сохтани корҳои тарбиявӣ дар мактабҳои олӣ таҳия карда шуд. Дар озмун донишҷӯи соли сеюми  факултаи таърихи донишгоҳ Таманно Бойназарова ғолиб омад.