ПАСАНДОЗҲОИ БОНК СУҒУРТА КАРДА МЕШАВАНД

                 Душанбе, 22 январ. (АМИТ «Ховар», Покиза Маҳмадбекова). — Айни ҳол дар Ҷамъияти саҳҳомии «Бонки рушди Тоҷикистон» 477 пасандози мӯҳлатноки аҳолӣ нигоҳ дошта мешавад. 26,2 фоизи он бо пули миллӣ, 63,5 фоизи пасандоз бо доллари ИМА, 6,9 фоизи он бо евро ва 3,4 фоизи дигар бо рубли Русия гузошта шудааст.                Аз бонки мазкур ба АМИТ «Ховар» хабар доданд, ки то ҳол ягон соҳиби пасандоз маблағи худро пеш аз мӯҳлати муқарраршуда нагирифтааст. Бар акс, қисми зиёди соҳибони пасандоз баъди анҷом ёфтани мӯҳлати муқарраршуда, онро дароз мекунанд. Инчунин маъмурияти бонк бо Ширкати суғуртаи «М — Полис» қарордоди ҳамкорӣ имзо кардааст. Мувофиқи он, пасандозҳои дар Бонки рушди Тоҷикистон буда, бояд суғурта карда шаванд.                Имрӯз фоидаи муомилоти пул дар бонк 120 фоизро ташкил медиҳад. Ин дар байни бонкҳои мамлакат натиҷаи назаррас ба шумор меравад.                                                                                                                                                                   Тарҷумон — Қудратов А.