ПРЕЗИДЕНТИ ЛАТВИЯ БА ТОҶИКИСТОН ТАШРИФ МЕОРАД

                  Душанбе, 29 январ. (АМИТ «Ховар», Темур Бандишоев). — Президенти Тоҷикистон Эмомалӣ Раҳмон дирӯз бо сафири Латвия дар Тоҷикистон Игорс Апокинс мулоқот кард. Сафири Латвия баъди анҷоми мулоқоташ бо Президент зимни сӯҳбати мухтасар бо хабарнигорон гуфт, ки дар ҷараёни мулоқот бо сардори давлат масъалаҳои муҳимтарини муносибатҳои ҳар ду кишвар муҳокима шуданд. Зикр шуд, ки айни ҳол дар Латвия ба ташрифи Президенти Тоҷикистон Эмомалӣ Раҳмон ҳамаҷониба тайёрӣ дида мешавад. Зимни сафар имзои панҷ ҳуҷҷати ҳамкорӣ дар соҳаҳои гуногуни иқтисодиёт пешбинӣ карда мешавад.                 И.Апокинс хабар дод, ки дар Латвия мулоқоти президентҳои ҳар ду давлат ва мулоқоти тоҷирону соҳибкорони ҳар ду кишвар гузаронида мешаванд. Президенти Латвия баъди сафари Эмомалӣ Раҳмон ба ин кишвар ба Тоҷикистон ташриф меорад. Ба қавли сафир, мақомоти Латвия ба муносибатҳояшон бо Тоҷикистон баҳои хуб медиҳанд. Таъкид карда шуд, ки ҳамкории иқтисодии ҳар ду кишварро бештар ривоҷ додан зарур аст.                 Мамлакатҳои мо дар соҳаҳои истеҳсоли қувваи барқ, саноати бофандагӣ, коркарди маҳсулоти кишоварзӣ ва нақлиёт самарабахш ҳамкорӣ карда метавонанд, гуфт сафири Латвия.                                                                                                                                                Тарҷумон — Қудратов А.