ПСС ХИЗМАТРАСОНИРО БАРЗИЁД ИҶРО НАМУД

Душанбе, 7 январ. (АМИТ «Ховар», Покиза Маҳмадбекова). – Ҳаҷми умумии хизматрасонии Палатаи савдо ва саноати Ҷумҳурии Тоҷикистон дар соли 2008 – ум 2504 ҳазор сомонӣ ба нақша гирифта шуда, дар асл бошад 3470,5 ҳазор сомонӣ иҷро гардид, ки ин 966,6 ҳазор сомонӣ аз нақша зиёд аст,- гуфт зимни сӯҳбат ба мухбири АМИТ «Ховар» муовини раиси палатаи савдо ва саноат Асаналӣ Карамалиев.           Ӯ ҳамчунин иброз намуд, ки  аз чамъбасти фаъолияти молиявии палата дар соли 2008 маълум гардид, ки палата аз нақшаи пешбинишудаи солона қариб як миллион сомонӣ зиёд хизматрасонӣ намуд. Гарчанде, палата дар соли сипаригардида аз иҷрои нишондодҳои пешбинишуда ба хубӣ баромада бошад ҳам, дар соли 2009 бояд сарчашмаҳои иловагӣ пайдо ва шаклҳои нави хизматрасониро ба роҳ монд.