РАССОМИ ХАЛҚИИ ТОҶИКИСТОН УЗВИ ИФТИХОРИИ АКАДЕМИЯИ ҲУНАРҲОИ БАДЕИИ Р

                  Душанбе, 27 январ. (АМИТ «Ховар», Таҳмина Ғоибназарова). — Рассоми халқии ҶШС Тоҷикистон Сӯҳроб Қурбонов узви ифтихории Академияи ҳунарҳои бадеии Федератсияи Русия гардид. Маҷлиси раёсати Академияи ҳунарҳои бадеии Русия аввали моҳи январ дар ин бора қарор қабул намуд. Иштирокчиёни маҷлис якдилона ба тарафдории қабули С.Қурбонов ба узвияти академия овоз доданд.                   Сӯҳроб Қурбонов Рассоми халқии ИҶШС ва Тоҷикистон, ду карат барандаи ҷоизаи давлатии ба номи Абӯабдулло Рӯдакӣ, дорандаи медали тиллои Пушкин, барандаи ҷоизаи Комсомоли Ленинӣ мебошад. Асарҳои ӯ толорҳои бисёр осорхона ва намоишгоҳҳои ҷаҳонро оро медиҳанд.                    Рассом ба наздикӣ асари нави худро таҳти унвони «Ваҳдати кулл ва кулли воҳид» ба охир расонд. Асар аз 4 қисм иборат аст. Се қисми он дар бораи таърихи халқи тоҷик ҳикоя карда, лаҳзаҳоро аз достони Абулқосим Фирдавсӣ — «Шоҳнома» ифода менамоянд. Қисми чоруми асар ба ҳаёти халқи тоҷик дар солҳои 90 — уми асри ХХ бахшида шудааст.                                                                                                                                             Тарҷумон — Қудратов А.