«РЕГАР» ТАДАЗ –«ШАХТЁР» 4:1

            Душанбе, 21 январ. (АМИТ «Ховар», Пайрав Назаров).- Қаҳрамони Тоҷикистон оид ба футбол дастаи «Регар ТадАЗ» -и Турсунзода дар Ҷоми қаҳрамонони ИДМ ва соҳили Балтик-2009 дар шаҳри Маскав ба даври чаҳорякниҳоӣ роҳ ёфт.             Дар вохӯрӣ охирин дастаи «Регар-ТадАЗ» бар дастаи «Шахтёр»-и Донетски Укроин бо натиҷаи 4:1 пирӯз шуд. Нимаи аввали дидор бо ҳисоби 2:0 ба фоидаи «Регар» ТадАЗ хотима ёфт. Дар нимаи дуввум футболбозони тоҷик боз ду гол ва рақибонашон танҳо дар дақиқаи 78-уми бозӣ 1 гол ба самар расонданд.             Дар тӯли 17 соли ширкати худ дар ин мусобиқаи байналмилалӣ футболбозони тоҷик барои бори аввал ба даври чаҳорякниҳоии Ҷоми Иттиҳод роҳ ёфтанд.