РОҲБАРОНИ ДАВЛАТҲОИ АВРУПО БА ШАРҚИ НАЗДИК МЕРАВАНД

          Париж, 6 январ. (АМИТ «Ховар» — Кабар). – Президенти  Фаронса   Николя  Саркози  шоми  дирӯз  ба  мамлакатҳои   Шарқи  Наздик  сафар  кард. Ҳадафи  сафари  ӯ  водор  сохтани роҳбарони  Исроил  ва Фаластин   ба  мусолиҳа  дар  бораи  қатъ  намудани   задухӯрдҳои  мусаллаҳона дар давоми ду шабонарӯзи оянда  мебошад. Хабар  дода  мешавад, ки  Н.Саркози  зимни  сафар  ба  Қоҳира,  Байтулмуқаддас,  Рамоллоҳ ва   Димишқ  рафта,  бо  роҳбарони  ин  мамлакатҳо  гуфтушунид  мекунад.          Инчунин,  вазири  корҳои  хориҷии  Чехия   Карел  Шварсенберг  дар  ин  минтақа  мебошад, ки  айни  ҳол  раёсати   Иттиҳоди  Аврупоро  ба  ӯҳда  дорад. Вазири  корҳои  хориҷии  Фаронса  Бернар  Кушнер  ва  намояндаи  махсуси  президенти  Русия   дар  Шарқи  Наздик Александр  Салтанов  низ  айни  ҳол   дар   минтақаи  Шарқи  Наздик  мусофират  доранд.