САФИРИ НАВИ КИПР ДАР ТОҶИКИСТОН ТАЪИН ГАРДИД

                Душанбе, 23 январ. (АМИТ «Ховар», Наргис Бояхмедова). — Сафири нави Ҷумҳурии Кипр дар Федератсияи Русия Петрос Кесторас ба нишони эҳтиром ба ҳузури сафири кабири Ҷумҳурии Тоҷикистон дар Федератсияи Русия Абдулмаҷид Достиев ташриф овард. Зимни сӯҳбат масъалаҳои рушди минбаъдаи муносибатҳои ҳар ду кишвар муҳокима шуданд. Ҳар ду ҷониб дар ин хусус ҳамфикр буданд, ки мамлакатҳояшон барои равнақу ривоҷи муносибатҳо ва ҳамкории дуҷониба дар соҳаҳои сиёсию иқтисодӣ, илмию техникӣ ва фарҳангӣ имкониятҳои калон доранд.              Сафири Кипр ба А.Достиев барои пазироии самимонааш изҳори сипос намуда, зикр кард, ки вай ҳамзамон сафири мамлакаташ дар Ҷумҳурии Тоҷикистон таъин шудааст. Бинобарин рӯзҳои наздик барои супурдани эътиборномаи сафораташ ба сардори давлати Тоҷикистон ба Душанбе ташриф меорад.