ШОҲМОТБОЗОНИ ТОҶИК ҶОИ 25 – УМРО ИШҒОЛ НАМУДАНД

       Душанбе,  3  январ. (АМИТ «Ховар»,  Пайрав  Назаров). – Дар  шаҳри Алайни Аморатҳои Муттаҳидаи Араб мусобиқоти  қаҳрамонии  шоҳмотбозони  мамлакатҳои  Осиё  анҷом  ёфт. Дастаи  шоҳмотбозони тоҷик   дар  ин  мусобиқа  ширкат  варзида,   дар  байни  30 даста   ҷои  25 – умро  ишғол  намуд. Шоҳмотбозони тоҷик   дар  ҷараёни  мусобиқа  ду  ғалаба  ба  даст  оварда,  як  қувваозмоиро  якранг   анҷом  дода ва  дар  се  қувваозмоӣ  мағлуб  гардиданд.  Дастаи  Тоҷикистон  дар  даври  хотимавӣ аз  идомаи  мусобиқа  маҳрум  гардид. Дар  ин  мусобиқа дастаи  шоҳмотбозони  шаҳри Алайн  ғолиб  омада,  соҳиби мукофоти   асосии  он  —  20  ҳазор  доллари  ИМА  гардид.