ШОИРИ ХАЛҚИИ ТОҶИКИСТОН ҒАФФОР МИРЗО 80-СОЛА ШУД

Душанбе, 5 январ. (АМИТ «Ховар», Лутфия Эшонқулова). — Имрӯз Шоири халқии Тоҷикистон Ғаффор Мирзо 80-сола шуд.  Вай яке аз шоирони сермаҳсултарини давраи шӯравӣ буда,  дар таҳаввули шеъри муосири тоҷик нақши калон гузоштааст. Ғ. Мирзо муаллифи маҷмӯаҳои зиёди шеърҳо,  мақолаҳои илмии оммавӣ ва ҳикояву романҳо мебошад. Ашъори ӯ аз  шеърҳову достонҳои бачагона иборатанд, ки «Шайтони бе кафшу маҳсӣ», «Афсонаи сесона» аз ҳамин қабиланд. Достонҳои  «Тоҷи давлат», «Асрор», «Дил дар кафи даст» ва силсиладостонҳои «366 паҳлӯ» низ  намунаҳои беҳтарини эҷодиёти шоир ба ҳисоб мераванд.