ШУМОРАИ НАШЪАМАНДОН КАМ ШУД

                 Хуҷанд, 24 январ. (АМИТ «Ховар», Санавбар Мақсудова). — Кормандони Раёсати назорати маводи нашъадори вилояти Суғд соли гузашта 366,5 килограм маводи нашъадорро мусодира карданд, ки аз соли 2007 — ум 38,9 фоиз зиёд мебошад. Сардори раёсат Файзулло Абдуллоев ба мухбири АМИТ «Ховар» хабар дод, ки 127,5 килограм маводи нашъадори мусодирашуда героин аст.                  Кормандони раёсат соли гузашта ҳамроҳи кормандони мақомоти дигари низомию интизомии вилоят дар силсилаи амалиёт, аз ҷумла, «Кӯкнор — 2008», «Канал — 2008», «Тарсет», «Ҳамлу нақли транзитии мол» ва ғайра фаъолона ширкат варзиданд. Онҳо танҳо дар ҷараёни амалиёти муштараки «Кӯкнор — 2008» 11 ҷинояти вобаста ба интиқол ва хариду фурӯши ғайриқонунии маводи нашадорро фош намуда, 239 килограм нашъаро мусодира карданд.                Аз рӯи маълумоти шифохонаи марказии наркологии шаҳри Хуҷанд, соли гузашта дар вилоят 1429 нашъаманд ба қайд гирифта шуд. Тарҷумон — Қудратов А.