ШУМОРАИ НАШЪАМАНДОН КОИШ МЕЁБАД

                Душанбе, 27 январ. (АМИТ "Ховар", Ибодат Давлатова). — Соли ҷорӣ дар назди Маркази ҷумҳуриявии клиникии наркологии ба номи проффесор М.Ғ.Ғуломов шўъбаи нави қабул ба фаъолият шурўъ кард. Марказ қисман аз таъмир бароварда шуда, дар самти тайёрӣ барои фасли зимистон бо дастгирии Ҷамъияти Ҳилоли аҳмари Ҳоланд генератори баландшиддат васл карда шуда, ба миқдори 5000 литр маводи сўхт низ захира шудааст.                 Аз маркази матбуоти Вазорати тандурустӣ ба мухбири АМИТ "Ховар" хабар доданд, ки дар Марказ дар соли 2008 ҳамагӣ 513 нафар нашъамандон зери назорати диспансерӣ гирифта шуда, шумораи умумии онҳо ба 2169 нафар расид. Аз ҷумла, 78,1% онҳо гирифтори нашъамандии намуди ҳероинӣ, 7,8% истеъмолкунандагони опий, 6,5% истеъмолкунандагони гашиш ва 6,5% онҳо гирифтори бемории бисёрнашъамандӣ мебошанд.                Шумораи беморони нашъаманд, ки дар қайди муассисаҳои соҳаи наркологӣ мебошанд дар тўли даҳ соли охир бори аввал коҳиш меёбанд.