СУПОРИШИ БУНЁДИ ГАРМХОНАҲО ИҶРО НАГАРДИД

                 Душанбе, 31 январ. (АМИТ «Ховар», Лаззат Диловарзод).- Тибқи маълумоти фаврии шӯъбаи меваю сабзавот ва картошкапарварию хӯроки чорвои Вазорати кишоварзӣ, дар соли 2008 -2009 ба истифода додани 60,04 гектар гармхонаҳо дар шаҳру вилоятҳои ҷумҳурӣ пешбинӣ шуда аст.                То 26-уми январи соли 2009 дар миқёси ҷумҳурӣ дар 42,87 гектар замини гармхонаҳо кишти помидор ва бодиринг анҷом дода шудааст, ки ин баробари 71,4 фоизи нақшаи пешбинишуда мебошад.               Ҳоло дар майдони 19,03 гектар гарммхонаҳои ҷумҳурӣ помидор ва дар масоҳати 10,72 гектар бодиринг парвариш карда мешавад, ки аз он 17 гектар дар вилояти Суғд, 14 гектар дар вилояти Хатлон ва 11 гектар дар ноҳияҳои тобеи ҷумҳурӣ мебошад.                Албатта ин миқдор гармхонаҳо наметавонанд тамоми аҳолии ҷумҳуриро бо помидору бодиринги тару тоза таъмн намоянд, аммо дар таъмини як қисми аҳолӣ бо сабзавот метавонанд мусоидат намоянд.