ТАҶЛИЛИ РӮЗИ ҶАҲОНИИ КОРМАНДОНИ ГУМРУК

              Душанбе, 27 январ. (АМИТ «Ховар», Анварбек Сиддиқов). — 26 январ дар саросари ҷаҳон Рӯзи байналхалқии кормандони гумрук таҷлил карда шуд. Моҳи ноябри соли 1952 Созишномаи ташкили Шӯрои ҳамкории гумрукӣ эътибор пайдо намуд. 26 январи соли 1953 дар Брюссел маҷлиси нахустини Шӯрои хамкории гумрукӣ баргузор гардид, ки баъдан ба Созмони ҷаҳонии гумрук табдил ёфт. Айни ҳол созмони мазкур 162 мамлакатро муттаҳид месозад. Мухбири АМИТ «Ховар» хабар медиҳад, ки ҳоло дар мамлакатҳои ҷаҳон бештар аз 800 ҳазор коргари гумрук фаъолият дорад.             22 январ ба таъсиси Хадамоти гумруки назди Ҳукумати Ҷумҳурии Тоҷикистон 17 сол пур шуд. Тарҷумон — Қудратов А.