ТАРМИМИ ЧОҲҲОИ НАФТУ ГАЗ ШУРӮЪ ШУД

              Қӯрғонтеппа, 14 январ. (АМИТ «Ховар», Жасмин Назарова).- Ширкати  «Тетис петролеум» — и  ИМА , ки  дар мамлакатҳои Осиёи Марказӣ ба  ҷустуҷӯ ва истихроҷи нафту газ машғул мебошад, тибқи барномаҳои дар Тоҷикистон ба нақша гирифташуда ба тармими чоҳҳои мавҷудаи нафту газ шурӯъ намуд. Барои тармими чоҳҳо 2 миллион доллари ИМА сарф карда мешавад. Бо ин маблағ аз ҷумла дастгоҳи калонҳаҷми механикии ҳуффории  дорои  двигатели дизелӣ харида хоҳад шуд. Бо мошини мазкур заминро то чуқурии 3,5 ҳазор метр шикоф кардан мумкин аст. Айни ҳол мошини мазкур аз хориҷа ба Тоҷикистон ворид карда мешавад.