ТЕАТРИ «ПАДИДА» БА ТУРКИЯ МЕРАВАД

                                                                           Душанбе, 14 январ. (АМИТ «Ховар», Тахмина Ғоибназарова).- Ҳунарпешагони навраси театри  «Падида»  дар ҷашнвораи байналхалқии  эҷодиёти бачагонаи «Нисон- 23», ки  дар Туркия баргузор мегардад, ширкат меварзанд. Директори театр Ҳабибулло Абдураззоқов ба мухбири АМИТ  «Ховар»  гуфт, ки барои ҷашнвораи мазкур барномаи махсуси консертӣ таҳия  карда шудааст. Ҳунарпешагони навраси театр дар давоми 11 рӯз ба  шаҳру вилоятҳои калонтарини Туркия рафта, ҳунари волои худро ба  тамошобинон намоиш хоҳанд дод. Мо мехоҳем намунаҳои  фолклор ва ҳунарҳои мардумии Тоҷикистонро ба воситаи рақс ифода кунем. Ҳунармандони ҷавон имрӯзҳо ба ҷашнвораи мазкур ҳамаҷониба тайёрӣ мебинанд, гуфт Ҳ.Абдураззоқов.