ТЕЪДОДИ КУШТОР ДАР ТОҶИКИСТОН КАМ МЕШАВАД

           Душанбе, 14 январ. (АМИТ «Ховар», Мавҷуда Давлатзода).- Прокурори генералии ҷумҳурӣ Бобоҷон Бобохонов дирӯз дар ҷараёни нишасти матбуотӣ зикр кард, ки  соли 2008 дар саросари мамлакат 11 ҳазору 658 ҷиноят ба қайд гирифта  шуд. Ин нисбат ба соли  2007- ум 3,8 фоиз кам мебошад. Соли гузашта аз ҷумла  2302 ҷинояти вазнин ба қайд гирифта шуд.          Прокурори генералӣ зикр намуд, ки  соли 2008 дар ҷумҳурӣ теъдоди ҷиноятҳои вобаста ба куштор 23,4 фоиз кам шуда, дар баробари ин миқдори ҷиноятҳои содирнамудаи ноболиғон 18 фоиз афзуд.