ТЕЪДОДИ ЗИЁДИ ЗАНОН ДАР ВАЗИФАҲОИ РОҲБАРИКУНАНДА КОР МЕКУНАНД

           Душанбе, 16 январ. (АМИТ «Ховар», Фарангис Раҳимова).- Дар ҷараёни нишасти матбуотии дар Кумитаи кор бо занон ва оилаи назди Ҳукумати ҷумҳурӣ баргузоргардида, зикр шуд, ки  айни ҳол дар вазифаҳои роҳбарикунандаи мамлакат 16 ҳазору 236 нафар кор мекунанд,ки  3 ҳазору 915 нафари онҳо занон мебошанд. Кумита соли гузашта масъалаи иҷрои  қарорро  дар бораи  тарбия, интихоб ва  ба вазифаҳои  роҳбарикунанда  таъин намудани занону духтарони боистеъдод  баррасӣ намуда, 800  нафар занон ва духтарони болаёқатро  барои ишғоли чунин вазифаҳо пешбарӣ кард. Қайд карда шуд ки соли гузашта мувофиқи имтиёзҳои  муқаррарнамудаи Президенти ҷумҳурӣ ба мактабҳои олӣ 1007 донишҷӯ қабул шуд, аз ин ҷумла 550 нафар духтарон мебошанд.