ТЕЛЕВИЗИОНИ «ҶАҲОННАМО» ДАР КАТАР НАМОЯНДАГИИ ХУДРО МЕКУШОЯД
Душанбе, 21 январ. (АМИТ «Ховар», Лутфия Эшонқулова). — Раиси Кумитаи телевизион ва радиои назди Ҳукумати ҷумҳурӣ Асадулло Раҳмонов дар ҷараёни нишасти матбуотӣ зикр намуд, ки дар давоми соли равон барномаҳои муассисаҳои телевизионии «Сафина», «Баҳористон» ва «Ҷаҳоннамо» — ро сокинони тамоми гӯшаю канорҳои мамлакат тамошо хоҳанд кард. Аз моҳи март сар карда, дар минтақаҳои сераҳолии мамлакат 35 бунгоҳи пахши барномаҳои телевизионӣ насб карда мешаванд. А.Раҳмонов афзуд, ки чунин бунгоҳҳо то соли 2015 дар сар то сари мамлакат насб карда хоҳанд шуд. Имрӯз барномаҳои Шабакаи аввали телевизиони ҷумҳуриро 99 фоизи аҳолии мамлакат тамошо мекунад. Соли 2008 дар Тоҷикистон 28 студияи телевизионии хусусӣ ва 6 радиостантсия ба қайд гирифта шуд. Ба қавли раиси кумита, муассисаи телевизионии иттилоотии «Ҷаҳоннамо» қарор додааст, ояндаи наздик шабакаи бунгоҳҳои хабарии худро дар хориҷи кишвар бештар созад. Тибқи нақша соли 2009 бунгоҳи хабарии муассисаи телевизионии мазкур дар Катар кушода хоҳад шуд. Тарҷумон — Қудратов А.
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Имрӯз дар водиҳои Тоҷикистон ҳаво 23 дараҷа гарм мешавад
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
