ТОҶИКИСТОН ГАЗИ ТАБИИРО АЗ ӮЗБЕКИСТОН БО НАРХИ ГАРОН МЕХАРАД

           Душанбе, 3 январ. (АМИТ «Ховар»,  Жасмин  Назарова). – Роҳбарону  намояндагони  Корхонаи  воҳиди  давлатии  «Тоҷикгаз»  ва  ширкати «Ӯзтрансгаз»  дар  шаҳри  Тошканд дар  масъалаи фурӯши   гази табиии Ӯзбекистон  ба  Тоҷикистон  дар  соли  2009   созишнома  имзо  карданд. Тавре  хабар  дода шуда   буд,   ҳайати  Тоҷикистон   таҳти  роҳбарии  директори генералии  КВД  «Тоҷикгаз»  Фатҳиддин Мӯҳсиддинов дар  Тошканд  бо  намояндагони   ширкати «Ӯзтрансгаз»  дар  ин  масъала  гуфтушунид  анҷом  дод. Муовини  директори КВД «Тоҷикгаз»  Шавкат  Шоимов   ба  мухбири  АМИТ «Ховар»  хабар  дод, ки  мувофиқи  созишнома,  Тоҷикистон  соли  2009   ҳазор  метри  мукааб  гази табииро  аз  Ӯзбекистон бо  нархи  240  доллари  ИМА  мехарад.