«ТОҶИКСУҒУРТА» 5 МИЛЛИОНУ 473 ҲАЗОРУ 200 СОМОНИ ҶУБРОНИ ТАЛАФОТ ДОДАСТ

               Душанбе, 20 январ. (АМИТ «Ховар», Покиза Маҳмадбекова). — «Дар соли сипаригардида Ширакати давлатии Суғуртаи Тоҷикистон «Тоҷиксуғурта» ба 12 ҳазору 604 шахсоне, ки ба молу амвол ва саломатиашон осеб расидааст ба маблағи 5 миллиону 473 ҳазору 200 сомонӣ ҷуброни талафот додаст», — гуфт зимни нишасти матбуотӣ раиси ширкати мазкур Муҳибалӣ Сафаров 20 январи соли равон.               Ӯ ҳамчунин иброз дошт, ки дар соли сипаригардида ширкати мазкур аз рӯи 36 намуди суғурта ба аҳолӣ хизмат расонд, ки аз он 13 намудашро суғуртаи ҳатмӣ ва 23 намудашро суғуртаи ихтиёри ташкил медиҳад. Дар ин муддат аз рӯи суғуртаи ҳатмӣ 103,1 фоиз ва аз рӯи суғуртаи ихтиёрӣ 135,7 фоиз пардохт ворид шудааст.               Қобили зикр аст, ки дар давоми соли 2008 Ширкати мазкур ба 817 ҳазору 800 нафар шахсони ҳуқуқӣ ва воқеӣ шартномаи суғуртавӣ баст, ки аз ин 223 ҳазору 800 адад шартнома аз руи суғуртаи ҳатмӣ ва 549 ҳазору 700 тоаш аз рӯи суғуртаи ихтиёрӣ баста шуд.