«ТОҶИКСУҒУРТА» БАРОИ БУНЁДИ НЕРУГОҲҲО КУМАК МЕКУНАД

           Душанбе, 21 январ. (АМИТ «Ховар», Покиза Маҳмадбекова). — Кормандони Ширкати давлатии суғуртаи Тоҷикистон «Тоҷиксуғурта» тасмим гирифтанд, ки музди маоши якмоҳаи хешро барои бунёди нерӯгоҳҳои барқии ҷумҳурӣ равона созанд.          Тавре дар сӯҳбат ба мухбири АМИТ «Ховар» раиси Ширкати мазкур Муҳибалӣ Сафаров гуфт, имрӯз дар ширкати мо зиёда аз 870 нафар корманд фаъолият мекунанд, ки музди меҳнати онҳо зиёда аз 500 сомониро ташкил медиҳад. Мо ният дорем, ки то 20 — умин солгарди истиқлолияти Ҷумҳурии Тоҷикистон ин маблағро ба суратҳисоби яке аз нерӯгоҳҳои ҷумҳурӣ гузаронем.           Ӯ ҳамчунин афзуд, ки ин дастгирӣ аз ҷониби ширкати мо нисбати нерӯгоҳҳо мебошад.