ВАЗИРИ КОРҲОИ ХОРИҶИИ СИНГАПУР БА ТОҶИКИСТОН ТАШРИФ МЕОРАД

                     Душанбе, 28 январ. (АМИТ «Ховар», Наргис Бояхмедова). — Сафири Ҷумҳурии Тоҷикистон дар Федератсияи Русия Абдулмаҷид Достиев 27 январ ба сафири Ҷумҳурии Сингапур дар Федератсияи Русия Саймон Тенсинг де Круз аз номи вазири корҳои хориҷии Тоҷикистон Ҳамрохон Зарифӣ даъватнома супорид. Даъватнома ба унвони вазири корҳои хориҷии Сингапур Ҷорҷ Йо ирсол карда мешавад. Дар он вазири корҳои хориҷии Сингапур даъват карда мешавад, ки ба Тоҷикистон ташриф орад. А.Достиев зимни сӯҳбат дар бораи вазъияти ҷамъиятию сиёсӣ, иҷтимоию иқтисодӣ ва илмию фарҳангии Тоҷикистон мухтасар маълумот дод.                   Сафир зикр кард, ки ҳар ду мамлакат аз ҷиҳати мавқеи ҷуғрофӣ ва вазъияти иқтисодиашон умумияти бисёр доранд. Ин имкон хоҳад дод, ки ҳамкории онҳо дар оянда самарабахш ба роҳ монда шавад. Сафири Сингапур ба А.Достиев изҳори сипос намуда, зикр кард, ки даъватнома сари вақт фиристода хоҳад шуд.                                                                                                                                                 Тарҷумон — Қудратов А.