ВОМБАРГҲОИ НАВ БА МУОМИЛОТ БАРОВАРДА МЕШАВАНД

          Душанбе, 4 январ. (АМИТ «Ховар», Бекназари Абӯбакр). — Мутобиқи қарори Ҳукумати Ҷумҳурии Тоҷикистон аз 29-уми декабри соли 2008, аз 1-уми марти соли 2009 вомбаргҳои нави давлатии дохилии бурднок ба муомилот бароварда мешаванд. Аз Вазорати молияи ҷумҳурӣ ба АМИТ «Ховар» иттилоъ доданд, ки вомбаргҳои нав бо арзиши 10 ва 20 сомонӣ ба мӯҳлати 10 сол ба муомилот бароварда шуда,  бурдҳояшон ба андозаи аз 20 то 1500 сомонӣ муқаррар гардидааст. Ин коғазҳои қиматнок феълан дар як ширкати олмонӣ, ки пулҳои миллии Тоҷикистон – сомонӣ низ дар он нашр шудааст, чоп мегарданд.          Маврид ба зикр аст, ки дорандагони вомбаргҳои давлатии дохилии бурдноки барориши соли 2002 аз 1-уми марти соли 2009 метавонанд вомбаргҳои худро ё ба намунаҳои нав иваз кунанд ва ё маблағи онҳоро бозпас гиранд.       Ёдовар мешавем, ки тиражи навбатии 41-уми бозиҳои вомбаргҳои давлатии дохилии бурдноки барориши соли 2002 дар бинои Вазорати молияи ҷумҳурӣ 30-уми январ баргузор мегардад.