ҚАЛЛОБ БА ҶАЗО КАШИДА МЕШАВАД

                  Душанбе, 12 феврал. (АМИТ «Ховар» Жасмин Назарова). Чунончи аз Прокуратураи генералии ҶТ ба АМИТ «Ховар» иттилоъ доданд, шаҳрванд А. Пиров ба ҳайси сарпарасти беморхонаи маркази ноҳияи Шаҳритус фаъолият намуда дар давраи корияш байни солҳои 2006-2008 ба андозаи 2200 сомонӣ маблағҳои барои хариди доруворӣ ва таҷҳизоти тиббӣ ҷудо гаштаи беморхонаро бо роҳи тартиб додани ҳуҷҷатҳои қалбакӣ аз они худ намудааст.                 Ин ҳаракатҳои ғайриқонунии ӯ дар рафти санҷишҳои прокурорӣ ошкор гашта, аз тарафи прокуратураи ноҳияи Шаҳритус соли 2008 нисбати ӯ бо моддаи 245 к.2 ва 323 КЧ ҶТ парвандаи ҷиноятӣ кушода, тафтишоти пешакии он ба итмом расонида бо тасдиқи фикри айбдорӣ ба суд ирсол карда шуд.