ҚИСМҲОИ ЭҲТИЁТӢ ДАР ҶСП «ТАЪМИНОТИ ҲИСОР»

             Душанбе, 24 феврал. (АМИТ «Ховар», Лаззат Диловарзод).- Аз таъсиси ҶСП «Таъминоти Ҳисор» як сол сипарӣ шуд. Ҷамъияти саҳомии пӯшидаи «Таъминоти Ҳисор» барои таъмини саривақтии техникаи кишоварзӣ дар маркази ноҳияи Ҳисор 2 мағозаи фурӯши қисмҳои эҳтиётӣ ва техникаи кишоварзӣ кушод . Дар мағозаҳои таъсис додаи ҷамъияти мазкур, фурӯши ҳамаи намуди қисмҳои эҳтиётии техникаи кишоварзии истеҳсоли Россия ва Ӯзбекистон ба роҳ монда шудааст.             Танҳо дар соли 2008 ба ин ду мағоза ба маблағи 1,8 миллион сомонӣ техника, мошинолот ва қисмҳои эҳтиётӣ ворид гардид.              Дар назар аст, ки соли ҷорӣ беш аз 2 миллион сомонӣ қисмҳои эҳтиётӣ, техника ва мошинолот тавассути ин ду мағоза ба фурӯш бароварда мешавад.