ҚУРБИ ДОЛЛАР КАМЕ БОЛО РАФТ

                       Душанбе, 20 феврал. (АМИТ «Ховар», Бекназари Абӯбакр). — 18 феврали соли равон дар давоми рӯз дар нуқтаҳои мубодилаи асъори шаҳри Душанбе қурби хариду фурӯши доллари ИМА тағйир наёфт. Фақат дар қисмати дуюми рӯз як каме баланд гардида, дар сатҳи 3,79 — 3,80 сомонӣ қарор гирифт.                        Аз маркази матбуоти БМТ ба АМИТ «Ховар» иттилоъ доданд, ки бо мақсади мӯътадил нигоҳ доштани қурб дар баъзе минтақаҳои мамлакат ба воситаи нуқтаҳои мубодилаи асъори Бонки миллии Тоҷикистон ва бонкҳои тиҷоратӣ фурӯши асъори хориҷӣ ба роҳ монда шуд.                        Дар бозорҳои байнибонкӣ ва дохилибонкии асъор қурби миёнаи доллари ИМА то 3,76 — 3,78 сомонӣ зиёдшавиро дошт. Вобаста ба ин, қурби мубодилавии расмӣ аз 3,7081 сомонӣ то 3,7111 сомонӣ каме баландтар карда шуд.