ҲАДАФҲО АМАЛӢ МЕШАВАНД

                Душанбе, 20 феврал. (АМИТ «Ховар», Лаззат Диловарзод). «Ҳадафи сеюми стратегии мо аз бунбасти коммуникатсионӣ баровардани мамлакат ва таъмини пешрафти минбаъдаи соҳаҳои нақлиёту алоқа мебошад…», омадааст дар Паёми Президенти Тоҷикистон Эмомалӣ Раҳмон ба Маҷлиси Олии кишвар.               Пешрафти коммуникатсия аз таҷдиду бунёди роҳҳои нақлиётӣ вобаста буда, яке аз ҷанбаҳои афзалиятноки сиёсати иқтисодии давлату Ҳукумати Тоҷикистон аст.Бо мақсади бунёди роҳҳои нақлиётӣ барои соли 2009 дар буҷаи кишвар 253 миллион сомонӣ пешбинӣ шудааст.               Боиси ёдоварист, ки соли 2008 бо ин максад 275 миллиону 896 ҳазор сомонӣ масраф гардид. Ба ин ҳисоб маблағҳои инвеститсионӣ низ дохил карда шудаанд.