ҲАЙАТИ ПАРЛУМОНИИ ТОҶИКИСТОН БА ҲИНДУСТОН МЕРАВАД

              Душанбе, 10 феврал.(АМИТ «Ховар», Марзия Саидова).- Лоиҳаи Қонунҳои Ҷумҳурии Тоҷикистон «Дар бораи озодии виҷдон ва иттиҳодияҳои динӣ», «Дар бораи ворид намудани тағйиру иловаҳо ба Кодекси андози Ҷумҳурии Тоҷикистон», Дар бораи Созишномаи байни Ҳукумати Ҷумҳурии Тоҷикистон ва Ҳукумати Федератсияи Россия оид ба таъсис ва фаъолияти Маркази байналмилалии илмӣ-тадқиқотии «Помир -Чақалтой» ва масъалаи сафари ҳайати парлумонии Маҷлиси намояндагони Маҷлиси Олии Ҷумҳурии Тоҷикистон ба Ҷумҳурии Ҳиндустон аз масъалаҳое буданд, ки дар ҷаласаи Шӯрои Маҷлиси намояндагони Маҷлиси Олии Ҷумҳурии Тоҷикистон баррасӣ гардиданд.               Раисони Кумитаҳои палатаи поёнии парлумони мамлакат Гулчеҳра Бозорова, Додихудо Саймиддинов ва муовини раиси Кумитаи Маҷлиси намояндагон Олимҷон Салимзода аҳамияти масъалаҳои мазкурро тавзеҳ доданд.              Дар анҷом бархе аз масъалаҳо барои баррасӣ ба Кумитаҳои Маҷлиси намояндагони Маҷлиси Олии Ҷумҳурии Тоҷикистон ва қисми дигараш ба ҷаласаи навбатии иҷлосияи 5-уми Маҷлиси намояндагони Маҷлиси Олии ҷумҳурӣ пешниҳод карда шуданд.