ҲАМКОРИҲОИ ТОҶИКИСТОН БО НАТО ГУСТАРИШ МЕЁБАНД

                11 феврали соли 2009 Президенти Ҷумҳурии Тоҷикистон Эмомалӣ Раҳмон бо Дабири кулли Паймони Атлантикаи Шимолӣ (НАТО) Яаап Де Хооп Схеффер мулоқот намуд.                «НАТО чун ҷузъи муҳими нерӯи таъмини сулҳ дар Афғонистон бояд бо мамолики ҳамсоя ва бахусус Тоҷикистон, ки дар Осиёи Миёна бо Афғонистон сарҳади аз ҳама тӯлонӣ дорад, ҳамкории фаъолонаро ба роҳ монад», — изҳор дошт зимни сӯҳбат Президенти Ҷумҳурии Тоҷикистон Эмомалӣ Раҳмон.                Ба андешаи Эмомалӣ Раҳмон, амалиётҳои низомӣ дар Афғонистон бояд бо муборизаи беамон бар зидди истеҳсоли маводи мухаддир ва ҳамчунин бо татбиқи васеъи барномаҳои иҷтимоию иқтисодӣ дар ҳамбастагӣ сурат гиранд.               Яаап Де Хооп Схеффер ба нақши Тоҷикистон дар минтақа ва ҳамгироии он ба нерӯҳои НАТО дар Афғонистон баҳои баланд дод.              Дар чаҳорчӯби барномаи «Шарикӣ баҳри сулҳ» ва нақшахои дигари ҳамкорӣ бо НАТО оид ба ҷудо намудани техникаю таҷҳизоти нав ба сархадбонони точик, хамгирои бо сархадбонони афгон, омода кардани кадрхои низоми ва гузарондани тадкикоти илми гуфтугуи судманд сурат гирифт.               Таваччухи зиёд ба истифодаи потенсиали НАТО дар татбики лоихахои гидроэнергетики Точикистон зохир карда шуд.               Пешниҳодҳо баҳри кушодани Маркази махсуси НАТО дар Тоҷикистон, таъсиси Маркази наҷотдиҳӣ дар шаҳри Душанбе, бо таҷҳизоти замонавӣ муҷаҳҳаз гардонидани системаи огоҳкунонӣ аз офатҳои табиӣ ва аз минаҳо тоза кардани марзи давлатӣ бо Афғонистон баррасӣ шуд.               Масоили омодаги ба чаласаи барномаи «Шарикӣ баҳри сулҳ»-и НАТО, ки имсол дар Остона баргузор мегардад,, низ барраси шуд.                Президенти Ҷумҳурии Тоҷикистон Эмомалӣ Раҳмон аз Дабири кулли Паймони Атлантикаи Шимолӣ (НАТО) Яаап Де Хооп Схеффер даъват намуд, ки ба Точикистон бо сафари расми ташриф биёрад.              Дар мулоқоти Президенти мамлакат Эмомалӣ Раҳмон бо Дабири кулли Хартияи Нерӯ Андре Мерние ҷанбаҳои ҳуқуқӣ ва дастгирии илмию техникии лоиҳаҳои гидроэнергетикии Тоҷикистон мавриди баррасӣ қарор гирифт.               «Тоҷикистон ба ҷараёни татбиқи Хартияи Энергетикӣ ва Аҳдномаи он чун узви фаълу комилҳуқуқи он таваҷҷӯҳи доимӣ зоҳир менамояд, зеро ин санадҳо пояи устувори ҳуқуқии ҳамкориҳоро дар соҳаи энергетика дар минтақаи бузурги Осиёву Аврупо ташкил менамоянд", — изҳор дошт Президенти Ҷумҳурии Тоҷикистон Эмомалӣ Раҳмон.                Зарурати ҳамкорӣ дар самти кашф ва истифодаи конҳои нафту газ ва ангишти Тоҷикистон низ талаби рӯз номида шуд.                 Изҳори боварӣ карда шуд, ки Котиботи Хартияи Энергетикӣ дар густариши ҳамкориҳо бо Тоҷикистон ва ҷалби сармояи хориҷӣ барои татбиқи лоиҳаҳои судманди энергетикӣ саҳми намоён мегузорад.                Тарафҳо ба мувофиқа расиданд, ки дар Хартияи Энергетикӣ шӯъбаи гидроэнергетика низ кушода шавад ва дар он намояндаи Тоҷикистон низ бошад.               Дар ин бора Котиби матбуоти Президенти Ҷумҳурии Тоҷикистон Абдуфаттоҳ Шарифзода аз шаҳри Брюсели шоҳигарии Бельгия иттилоъ дод.