ҲАМОВОЗИ АЗ ИҚДОМОТИ ЭМОМАЛИ РАҲМОН

Мақолаи илмии Президенти Ҷумҳурии Тоҷикистон Эмомалӣ Раҳмон таҳти унвони «Имоми Аъзам ва ҳуввияти миллӣ» ва умуман «Соли бузургдошти Имоми Аъзам» эълон гаштани соли 2009 дар фазои илмию иттилоотии кишварҳои мусулмонии ҷаҳон, хусусан кишварҳое, ки мусулмононашон пайравони мазҳаби ҳанафӣ мебошанд, мавриди пуштибонӣ ва ҳамовозӣ қарор гирифтааст.Мақолаи илмии «Имоми Аъзам ва ҳуввияти миллӣ», ки дар он Президенти Ҷумҳурии Тоҷикистон Эмомалӣ Раҳмон паҳлўҳои гуногуни ҳаёти ибратомўз ва фаъолияти густурдаи илмию маънавии фарзанди фарзонаи миллати тоҷик Абўҳанифа Нўъмон ибни Собитро мавриди таҳлилу баррасии амиқ қарор додааст, дар воситаҳои ахбори умуми ватанӣ ва дигар кишварҳои мусулмонӣ васеъ инъикос мегардад, аз ҷумла дар рўзномаи бонуфузи «Ормони миллӣ» — и Афѓонистон.Чунонки қаблан хабар дода будем, иқдоми Сарвари давлати Тоҷикистон Эмомалӣ Раҳмон дар Ҷумҳурии Мисри Араб бо шодию нишот пуштибонӣ ёфт ва аз ҷониби Президенти ин кишвар Ҳуснӣ Муборак нусха аз кинофилми 39-сериягии «Имом Ҳанифа Нуъмон» чун армуѓони идона ва саҳми мардуми Миср дар бузургдошти 1310-солагии Имоми Аъзам ба мардуми Тоҷикистон фиристода шуд.Айни ҳол ин кинофилм ба тоҷикӣ гардонда мешавад ва ба наздикӣ пешкаши тамошобинони телевизиони тоҷик хоҳад гашт.Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.