ҶАМЪБАСТИ НАТИҶАҲОИ ОЛИМПИАДАИ БАЙНАЛХАЛҚИИ ФИЗИКИЮ МАТЕМАТИКӢ

                  Душанбе, 3 феврал. АМИТ «Ховар», Людмила Дубинина ). — Дар шаҳри Алмаато олимпиадаи физикию математикии наврасон анҷом ёфт. Дар он аз Тоҷикистон 14 талабаи гимназия — интернати муштараки Тоҷикистону Русия ва Маркази ҷумҳуриявии бачагони боистеъдод ширкат варзиданд. Директори гимназияи мазкур Абдуфаттоҳ Ҳотамов зимни сӯҳбат бо мухбири АМИТ «Ховар» зикр намуд, ки талабагони тоҷик дар ин олимпиада ширкат варзида, натиҷаҳои назаррас ба даст оварда натавонистанд. Ба қавли ӯ, бисёр талабагони тоҷик дар арафаи олимпиада шамол хӯрда, бемор шуданд.                  Хабар дода мешавад, ки аз рӯи натиҷаҳои олимпиада ҷои аввалро талабагони гимназияи назди Д,онишгоҳи давлатии Маскав ба номи М.Ломоносов соҳиб гардиданд. Талабаи синфи 11 — уми гимназия — интернати муштараки Тоҷикистону Русия Олимҷони Пираҳмад дар олимпиада медали биринҷӣ ба даст овард.