ҶАВОНОНИ БОЛАЁҚАТ РАИСОНИ ШАҲРАКУ МАҲАЛЛАҲО МЕШАВАНД

                Душанбе, 4 феврал.(АМИТ «Ховар», Марзия Саидова).-То 1 марти соли равон дар пойтахт интихоби раисони шаҳраку маҳаллаҳо баргузор карда мешавад. Ин масъала дар ҷаласаи шаҳрдорӣ, ки таҳти раёсати Раиси шаҳри Душанбе Маҳмадсаид Убайдуллоев баргузор шуд, баррасӣ гардид.                М. Убайдуллоев нақши раисони шаҳраку маҳаллаҳоро дар ташаккули ҷомеаи шаҳрвандӣ, тозагию ободонӣ ва баланд бардоштани фарҳангӣ шарҳрдорӣ муҳим арзёбӣ кард. Мавсуф гуфт, ки бо назардошт риояи фарҳанги шаҳрнишинӣ бояд дар вазифаи раисони шаҳраку маҳаллаҳои пойтахт ҷавонони дорои қобилияти баланди ташкилотчигӣ ҷалб карда шаванд.                Вобаста ба ин то моҳи марти соли равон дар пойтахт интихоби раисони шаҳраку маҳаллаҳо баргузор карда мешавад.                Собиқ раисони шаҳраку маҳаллаҳо, ки синнашон ба нафақа расидаанд ё солхӯрдаан, ба ҳар кадоме аз фонди захиравии Раиси шаҳр барои хизматҳои арзандаашон 500 сомонӣ супорида мешавад. Инчунин, аз тарафи раисони ноҳияҳо ба онҳо тӯҳфаҳо тақдим карда хоҳад шуд