БА ДОНИШҶӮЁНИ БЕҲТАРИНИ ТОҶИК СТИПЕНДИЯҲОИ БА НОМИ Д.МЕНДЕЛЕЕВ

                       Душанбе, 4 феврал. АМИТ «Ховар», Людмила Дубинина). — Имрӯз дар Донишгоҳи давлатии тиббии ба номи Абӯалӣ ибни Сино маросими супоридани стипендияҳои номии ба номи Д.Менделеев баргузор гардид, ки онҳоро Бунёди рушди «Пажӯҳишгоҳи тадқиқоти мамлакатҳои Евразия» — и Федератсияи Русия таъсис додааст. Даҳ нафар донишҷӯӣ беҳтарини мактабҳои олии Тоҷикистон барои муваффақиятҳояшон дар таҳсил ва иштироки фаъолона дар ҳаёти ҷамъиятӣ ба ин мукофот сазовор гардиданд. Онҳо донишҷӯён М.Шерова, Д.Муродов, Ҳ.Ёров, Ф.Абдуллоев, Х.Каримов, П.Лоиқов, С.Абдураҳимов, М.Рустамова, Ш.Ҳусейнов ва Х.Келдиев мебошанд.                        Сардори раёсати барномаҳои ҳамкории маъмурияти президенти Русия Алексей Прошин донишҷӯёнро табрик намуда, зикр кард, ки Бунёди «Пажӯҳишгоҳи тадқиқоти мамлакатҳои Евразия» дар тамоми мамлакатҳои собиқи шӯравӣ фаъолият дорад. Вале мукофотҳои ба номи Д.Менделеев дар байни ин мамлакатҳо бори аввал дар Тоҷикистон супорида мешаванд. Мо медонем, ки Тоҷикистон дорои нерӯи бузурги илмию фарҳангӣ мебошад. Бинобар ин ба мамлакати Шумо барои ба роҳи илм ҳидоят намудани ҷавонони соҳибистеъдод ҳамаҷониба кӯмак хоҳем расонд, гуфт А.Прошин.