БОЗДИДИ АДМИРАЛИ АМРИКОӢ АЗ ВИЛОЯТИ ХАТЛОН

                Душанбе, 20 феврал. АМИТ «Ховар», Наргис Бояхмедова). — Сардори раёсати ҳайати қумондонии нақлиётии ИМА, контр — адмирал Марк Харничек, ки имрӯзҳо дар Тоҷикистон мусофират дорад, дирӯз ба вилояти Хатлон рафт. Вай дар ин ҷо кӯпруки дар Панҷи Поён, дар болои дарёи Ому сохташударо аз назар гузаронд, ки Тоҷикистонро бо Афғонистон мепайвандад.               Аз сафорати ИМА дар Душанбе ба АМИТ «Ховар» хабар доданд, ки адмирали амрикоӣ имрӯз бо вазири корҳои хориҷӣ Ҳ.Зарифӣ, раиси Кумитаи давлатии амнияти миллӣ Х.Абдураҳимов ва вазири нақлиёту алоқаи ҷумҳурӣ А.Ашӯров мулоқот хоҳад кард.               Зимни ин мулоқотҳо масъалаҳои марбут ба ҳамлу нақли лавозимоти ғайринизомии ИМА ба Афғонистон ба воситаи қаламрави Тоҷикистон муҳокима карда мешаванд. Тарҷумон — Қудратов А