ЧИГИТИ ТУХМӢ ЗАҲРОЛУД КАРДА НАШУДААСТ

                  Душанбе, 18 феврал. (АМИТ «Ховар», Лаззат Диловарзод).- Бино ба иттилои сардори идораи кишоварзии ноҳияи Шаҳринав А. Фаттоҳов, соли ҷорӣ дар ноҳия дар майдони 6131 гектар кишти баҳорӣ гузаронида мешавад.То 1- уми феврали соли 2009 ҳамагӣ майдони 2451 гектар заминҳои барои кишти баҳорӣ пешбинишуда шудгор карда шудааст, ки 39,9 фоизро ташкил медиҳад.                  То 16-уми феврали соли ҷорӣ 309 тонна чигити тухмӣ бо сабаби камбуди барқ заҳролуд карда нашудааст. Мувофиқи қоидаҳои агротехникии коркард, заҳролуд ва кишти чигит он на камтар аз 3 моҳ пеш аз кишт, бояд заҳролуд карда шавад.                    Аз ин мебарояд, ки ноҳия дар мавсими кишти имсолаи пахта аз чигити заҳролуднашуда истифода хоҳад кард. Бояд тазаккур дод, ки соли 2009 масоҳати замини кишти пахтаи ноҳия 1600 гектар пешбинӣ шудааст.