ДАР НОҲИЯИ БОХТАР ҶАНГАЛБОН ДАСТГИР ГАРДИД

                   Душанбе, 12 феврал. (АМИТ «Ховар», Мавҷуда Давлатзода).- Кормандони Шӯъбаи корҳои дохилии ноҳияи Бохтари вилояти Хатлон ҳангоми гузаронидани чораҳои фаврӣ-ҷустуҷӯӣ ҷангалбони қитъаи Боҳтурободи ноҳияи мазкур Борон Толибови 45-соларо дастгир намуданд..                  Аз маркази матбуоти Вазорати корҳои дохилии Ҷумҳурии Тоҷикистон ба мухбири АМИТ «Ховар» хабар доданд, ки Б.Толибов ҳангоми фаъолияти корӣ дар ин ҷангал 273 бех пистаро бурида, ба мабалғи 44 ҳазору 140 сомонӣ зарар расонидааст.                   Нисбати ҳодисаи мазкур парвандаи ҷиноӣ боз гардида, тафтиш идома дорад.