ДАР ТОҶИКИСТОН ҚОНУНИ ОЗОДИИ ВИҶДОН ВА ИТТИҲОДИЯҲОИ ДИНӢ &#1178

                Душанбе, 2 феврал. (АМИТ «Ховар», Марзия Саидова).-Лоиҳаҳои Қонунҳои Ҷумҳурии Тоҷикистон «Дар бораи озодии виҷдон ва иттиҳодияҳои динӣ», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи фарҳанг», «Дар бораи статуси пойтахти Ҷумҳурии Тоҷикистон» ва Созишномаи байни Ҳукумати Ҷумҳурии Тоҷикистон ва Ҳукумати Федератсияи Россия оид ба таъсис ва фаъолияти Маркази байналмилалии илмӣ-тадқиқотии «Помир-Чақалтой» аз масъалаҳое буданд, ки дар ҷаласа Шӯрои Маҷлиси намояндагони Маҷлиси Олии Ҷумҳурии Тоҷикистон 2- феврал баррасӣ гардиданд.                Аз рӯи масъалаҳои зикршуда, муовини раиси Кумитаи Маҷлиси намояндагон Олимхон Салимзода ва мудири шӯъбаи ҳуқуқи палатаи поёнии парлумони мамлакат Шарофиддин Зоиров сухан карда, муҳимияти масъалаҳоро тавзеҳ доданд.                Дар анҷом масъалаҳои баррасишуда ҷиҳати баррасӣ ба ҷаласаи навбатии иҷлосияи 5-уми Маҷлиси намояндагони Маҷлиси Олии Ҷумҳурии Тоҷикистон, ки 11 феврал баргузор мегардад, пешниҳод карда шуданд.