ДАРГУЗАШТИ НАВИСАНДА

               Душанбе, 2 феврал. (АМИТ «Ховар», Бекназари Абӯбакр). Нависандаи тоҷик Муҳаммадзамони Солеҳ дар синни 58-солагӣ бар асари сактаи дил аз олам чашм пӯшид.              Муҳаммадзамони Cолеҳ соли 1952 дар деҳаи Падрохи ноҳияи Мастчоҳ таваллуд шудааст. Аввалин достони кӯтоҳи ӯ дар матбуот дар охири солҳои 1970 таваҷҷӯҳи адабиётшиносонро ба худ ҷалб карда буд. Китоби нахустини Муҳаммадзамони Солеҳ «Сарви Кашмир» буд. Сипас, қиссаву роман ва китобҳои ӯ бо номҳои «Ардавирафнома», «Оҳанги шаҳри ишқ», «Ишқи актёри пир», «Девори Хуросон», «Ганҷи сӯхта», «Кобуси Кобус ё бозори пашшаҳо» ба нашр расиданд.               Гуфтанист, ки Муҳаммадзамон Солеҳ азм дошт, ки дар бораи пайғамбари Ислом Ҳазрати Муҳаммад (с) ва Куруши Кабир роман нависад.