ДУХТУРОНИ БЕҲТАРИН БА МАҲАЛЛИ СОХТМОНИ НЕРӮГОҲҲОИ БАРҚ
Душанбе, 14 феврал. АМИТ «Ховар», Жасмин Назарова). — Котиби матбуоти вазорати тандурустии ҷумҳурӣ Фотима Ёқубова ба мухбири АМИТ «Ховар» хабар дод, ки 12 феврал тибқи фармони вазири тандурустӣ гурӯҳи калони духтурони беҳтарини муассисаҳои тибии пойтахт ба маҳалли сохтмони нерӯгоҳҳои барқи обии «Сангтӯда — 1», «Сангтӯда — 2» ва «Роғун» фиристода шуданд. Ҳадафи ин иқдом расондани кӯмаки аввалияи тиббӣ ба коргарон бо мақсади пешгирии паҳн гардидани бемориҳои шадид мебошад. Қайд карда шуд, ки ба гурӯҳи мазкур духтурони бемориҳои аъзои дохила, дил, гурда, эндокринологҳо, иммунологҳо, духтурони гӯшу бинӣ, асаб, чашм, духтурони бемориҳои занона ва ВИЧ/СПИД шомиланд. Духтурон бо асбобу анҷоми тиббӣ ва доруҳои зарурӣ таъмин карда шудаанд. Вазири тандурустӣ ба Маркази ҷумҳуриявии тақвияти муқовимати организми инсон ба бемориҳо супориш дод, ки гурӯҳи корӣ ташкил намуда, бо 6000 воя доруи пешгирикунандаи грипп ба маҳалли сохтмони нерӯгоҳҳои барқӣ фиристад. Духтурон то 20 феврал дар маҳалли сохтмони нерӯгоҳҳои барқӣ кор мекунанд. Тарҷумон — Қудратов А.
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Имрӯз дар ноҳияҳои доманакӯҳи Тоҷикистон бориши борон пешгӯӣ мешавад
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
